Sa destinatzione “Comuna de Crabonaxa – Àrea Marina Amparada Capu Carbonara” est istada arratzada in sas Top 100 Destinatziones sostenibiles de su 2018, un’ispetziale lista de sas localidades turìsticas in sas cales sas amministratziones si sunt impinnadas pro sas fainas econòmicas e cummertziales ma in su respetu de s’ambiente. Sos binchidores -in Itàlia fintzas Cogne, in Baddes de Aosta – ant a èssere premiados durante s’International Tourismus-Bursas Earth Award su 6 martzu 2019 in Berlinu. Sa proposta de sa Comuna de Crabonaxa e de s’Àrea Marina Amparada Capu Carbonara at tentu su suportu sientìficu de su Dipartimentu de Sièntzias econòmicas e aziendales de s’Universidade de Casteddu. S’intrada in s’ispetziale lista chi prèmiat las megioret ‘sustainable destinations’ a livellu mundiale rapresentat unu reconnoschimentu de sos isfortzos de sas amministratziones de su comunu e de s’àrea amparada
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
