Mauro Pili est su de ses candidados a sa presidèntzia de sa Regione Sardigna pro sas eletziones de freàrgiu de su 2019. Pili, leader de Unidos, giai guvernadore dae su 2001
a su 2003 e deputadu in Parlamentu pro tres legisladuras (ex Fi), at a ghiare sa coalitzione “Sardi Lìberi” de cale faghent parte Progetu Repùblica de Sardigna (ProgReS), su movimentu rapresentadu dae Gianluca Collu, e sos ex sardistas cun su cussigeri
regionale bessìdu dae su Psd’Az, Angelo Carta.
“Su còmpitu chi mi ais afidadu no est simpre, ma apo a chircare de l’acumprire cun sa passione e su coràgiu de semper – at naradu Pili a pustis de àere retzidu in Bilartzi, acanta sa Torre Aragonesa, s’investidura dae Collu e Carta – custa no at a èssere una cumpetitzione a sa chirca de su votu, sa disafiu nostru est instillare una rebellia in sa cussèntzia de custu pòpulu”.
Pili fiat candidadu a sa presidèntzia fintzas in su 2014 cun sa lista Unidos. No fiat istadu eletu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
