Lìberi e Uguali at a sustentare cun una pròpia lista sa candidadura a sa presidèntzia de sa Regione de Massimo Zedda. “Una lista chi in suta de su pròpiu sìmbulu tenet òmines e fèminas de reconnotu prestìgiu personale e de passione polìtica, in gradu de dare boghe e fortza a sas rechestas de sos sardos”, faghet ischire Bruno Palmas de su comitadu promotore de Leu in Sardigna. “Su bisòngiu de cuntrastare sa destra e su populismu recheret su màssimu de unidade de sas fortzas progressistas”, agiunghet, isperande chi “a custa difìtzile batalla aderisca sa majore ala de sas formatziones de sa manca sarda”. Infines: “Sas listas de Leu si ponent a disponimentu de sos assòtzios culturales, de volontariato, e de totus sos tzitadinos chi cherent s’impinnare in manera cuncreta pro su futuru de sa Sardigna”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
