Sìghit sa batalla contra sa fàbrica de bombas de Domunoas, in su sud ovest de sa Sardigna. Immoe b’at un’espostu presentadu a sa Procura de sa Repùbblica dae Sardigna Pulita, assòtziu ambientalista tra sas prus ativas in su chertu contra sa Rwm, s’indùstria italiana chi faghet capu a sa Rheinmetall tedesca.
Su documentu, chi faghet riferimentu a s’ampliamentu de s’indùstria, est firmadu dae unu de sos rapresentantes, Angelo Cremone. Sa recherta est cussa de fàghere craresa in carchi traballu e fainas rilevadas dae s’artu pro mèdiu de immàgines satellitares, comente ispiegant sos ambientalistas. Sardigna Pulita pedit un’aprofundimentu in su progetu de ampliamentu de sa fàbrica.
S’atzione de s’assòtziu pro cuntrastare s’impiantu de bombas s’isvilupat mescamente pro mèdiu de protestas. S’ùrtima est istada dae in antis su palatzu de sa giunta regionale.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
