Sos produtos agroalimentare traditzionales e de calidade de sa Sardigna ant a èssere a su tzentru de sa campagna de annestru alimentare in sas iscolas isolanas gràtzias a unu programma de 250mila èuru deliberadu dae sa Giunta Pigliaru subra proposta de s’assessore de s’Agricultura Pier Luigi Caria.
“Giai s’annu coladu, pensende a sas noas generatziones, amus detzìdidu de promòvere interventos pro curreggere abitùdines alimentares pagu echilibrados giai in edades iscolare e de puntare, in su matessi tempus, a afortiare su ligàmine cun su territòriu pro educare a su consumu consapevole de sos prodùtos traditzionales e de calidade”, afirmat s’esponente de s’esecutivu. S’interventu, afidadu a s’agèntzia Laore, si girat a pipios de s’iscola primària e segundària de su primu gradu, ma fintzas sos dischentes de s’iscola segundària de segundu gradu e de sos istitutos professionales de su territòriu regionale.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
