Su remenu pro ativare unu bolu Casteddu-Pechinu intro s’annu est istadu annuntziadu in sa die finale de sa chida de sa sièntzia Itàlia-Tzina chi s’est acumprida in Casteddu in sos locales de s’ex Manifattura Tabacchi. Sunt traballende a custa ipòtesi imprendidores de ambos Paisos paris cun sas istitutziones, comente at cunfirmadu in s’interventu suo s’amministradore delegadu de s’aeroportu de Casteddu-Su Masu Alberto Scanu. “Custu diat èssere un’enorme avantàgiu, siat de su puntu de bista turìsticu chi de su puntu de bista cumertziale”, at sutalineadu s’assessore a sa Programatzione Raffaele Paci: “Bolimus ispìnghere sas aziendas nostras a crèschere, s’afortiare, fàghere filiera pro disafiare sos mannos mercados internatzionales comente a cussu tzinesu”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
