Traballadores lassados sena istipèndiu e mobilitatzione noa in programma. Sa Fit Cisl, cun sas segreterias territoriales de Nùgoro, Tàtari e Casteddu, denùntziat una situatzione mala meda pro sos traballadores de s’Adigest-Ecoal chi òperant in sa gestione de sos apaltos pro s’igiene urbana tra s’Unione de sas Comunas de s’arta Marmilla, Casteddu Sardu, Gerrei, Laerru e Bultzi, chi, a oe, no ant àncora retzidu s’istipèndiu de maju, cun ultres bìndighi dies de ritardu.
“Est una cosa chi non podimus lassare aici – agiunghet Gianni Loddo, segretàriu de su presìdiu – pro ite sos traballadores sunt giai proados dae una situatzione cun sa pretzedente dita chi gestiat sos apaltos”.
