Pro s’ex arsenale de Sa Madalena si faghent a in antis sos tzinesos. A pustis de unu primu atòbiu a metade de abrile cun sa delegatzione de sa fundatzione Wcco, ghiada dae Irene Pivetti amministradora delegada de Only Itàlia e collegada a su fundu guvernativu de investimentu tzinesu, immoe si passat a unu livellu imbeniente.
Pro sos diferentes atòbios in programma fine chida imbeniente, tra sos cales fintzas cuddu a s’ex Arsenale de Sa Madalena torradu in sas manos de sa Regione, b’at a àere fintzas s’amministradore delegadu de su fundu tzinesu, Chaney Cheng.
Sas àteras localidades in sa lista riguardant tzentros costeris tra su litorale de Terranoa e sa Costa Ismeralda.
