A pustis de sa presentada ufitziale in Matera, in Basilicata su 18 trìulas, e in prus in Pùglia e Campània, est arribada in Sardigna su progetu ‘Retze siti Unesco’.
Sa manifestatzione, chi in s’ìsula bidet protagonista su situ de Barùmini, est istada elaborada dae s’Assòtziu Provìntzias Unesco Sud Itàlia e promòvidu dae s’Unione de sas Provìntzias de Itàlia. Interessados, ultres a Su Nuraxi, unos àteros 13 sitos de su Meridione. S’idea est cudda de donare contu a una retze pro promòvere, pro mèdiu de s’impreu de sas tecnologias noas, s’ammenta de sas risursas paesagìsticas, culturales, enogastronòmicas de custos territòrios in un’oferta turìstica ùnica e integrada. Elementu fundamentale de su progetu est su Fèstival Experience, sa cale diretzione artìstica est istada afidada a Gaetano Stella. Protagonistas sos sitos de su Patrimoniu Mundiale de s’Umanidade de su Sud Itàlia de sa Basilicata, Campània, Pùglia, Sardigna e Sitzìlia.
