A pustis de sa segada cun su Psd’Az, chi at tentu sas sortes de su guvernu de sa tzitade apicada a unu filu, sa majoria de sa Comuna de Nùgoro paret àere agatadu s’unione.
A l’annuntziare est su sìndigu Andria Soddu a pustis de s’incontru de oe in Munitzìpiu tra totu sas fortzas de majoria. “S’atòbiu cun totu sas segreterias polìticas chi sustentant sa majoria est andadu bene – cummentat Soddu – e si sunt ghetadas sas bases pro unu diàlogu costrutivu capatzes de sighire s’atzione amministrativa de sa tzitade.
De lunis s’at a traballare pro s’unione de sa majoria bidu chi totu sas fortzas polìticas ant espressadu sa voluntade de bòlere sighire a traballare paris pro sa comunidade”.
