Sunt 366 subra 377 sos Comunos Sardos chi ant aderidu a s’ala ‘cantieri’ de LavoRas. 343 progetos de cantieris a oe sunt istados giai aprovados, pro unu totale de 1.670 logos de traballu istimados dae sa Regione, ma in custas dies Insar est sighende cun s’avaloramentu de totus sos àteros.
Sos acabbos pro sa presentada de sas dimandas sunt iscadidos su 8 austu. De sos unos àteros 11 Comunos non sunt imbetzes arribbadas rechertas e duncas, de sos 45 milliones postos a disponimentu de sa Regione pro LavoRas cantieri, abarrant lìberas 546mìgia èuros: at a èssere oras averguadu si bi siant istados impedimentos. Totus sos 343 cantieris ant superadu sa fase de su primu livellu, 246 cantieris fintzas cussa de segundu livellu, chi est s’ùrtima prevìdida.
