Totu sa Sardigna at a èssere interessada dae su maltempu e pro custu motivu su Dipartimentu de Protetzione Tzivile de sa Regione at isparghinadu unu nou avisu de allerta pro Arriscu Idrogeologico e Idràulicu cun crititzidade ordinària bàlidu dae sa mesu note de oe, sàbadu 5 santugaine, finas a cras a sa matessi ora.
In s’interi bi sunt istados problemas a susu in Terranoa pro mori de s’abba chi nd’est calada a de note e mangianu chi ant fatu registrare carchi allagamentu.
Su fatu at impostu sa serrada de carchi rugas e bi sunt istados puru problemas a su traficu, pro sos postales, mescamente a s’intrada de sas iscolas: pessones sunt abarradas blocada in sa propia vetura e sunt istadas sucurridas dae sos vigiles de su fogu.
