Sas propostas pro su progetu LavoRas sunt istadas aprovadas, in bia definitiva, dae sa giunta cumonale e sunt duncas prontas pro s’imbeniente aprovatzione a banda de sa Regione Sardigna, chi at postu a disponimentu pro sa Comuna de Tàtari 2 milliones e 730 mìgia èuros.
Sas traballadoras e sos traballadores ant a èssere impreados in àreas diversas, ant a tènnere pro custu modu de s’ocupare de su megioru de s’atzessibilidade e de su gosamentu de sos sitos culturales, de su cuntrastu a sos pipios chi non bolent andare prus a iscola, de sa digitalizatzione de sos archìvios, de sos interventos pro sa gestione de sas forestas e su rimboschimentu, solu pro tzitare carchi àmbitu de interventu.
«Totus sos setores cumonales so interessados de sos progetos – ispiegat s’assessora a su personale Amàlia Cherchi –. Su Comunu cheret dare una risposta a su problema de sa disocupatzione in su territòriu, in lìnia cun sos obietivos de su progetu regionale».
