“Sa Regione depet segare su mudìmene pro sa reconversione de sas àreas ex Sardamag e pònnere sas risursas netzessàrias (bisòngiant 20 milliones) pro batire a cumprimentu su progetu de sanamentu in pitzu de s’isvilupu de Santu Antiogu e de su Sulcis”. Lu pedit su sìndigu de Santu Antiogu Ignazio Locci (FI).
“Sos tzitadinos de Santu Antiogu sunt abetende de annos (si diat pòdere faeddare de intreas generatziones chi abetant) chi de sas paràulas bellas de reconversione si passos in manera definitiva a sos fatos. Sa passèntzia est acabada”.
Dae tempus Igea, chi tenet sa cumpetèntzia in sa bonìfica de manna de is àreas (una portzione est imbetzes in capu a sa Comuna de Santu Antiogu), at concruidu sos traballos de sanamentu, ammentat Locci. “Ma non nche potzamus tzertu cuntentare de una missa in seguridade”, sustentat su sìndigu.
