Sa segreteria natzionale de su Pd est valutende sa recherta de cunvocare s’assemblea regionale de su partidu in Sardigna pro s’eletzione de su segretàriu nou, a pustis de su tentativu fallidu in Abbasanta (Aristanis) cun una dibata chi est arribada acanta a s’iscontru fìsicu tra s’eurodeputadu Renato Soru e Silvio Lai.
Sa rechesta proponet sa cunvoca de s’assemblea in su respetu de sos regulamentos e est istada formulada dae sos esponentes chi faghent capu a sos cumponentes internos ligados a sos ex parlamentares Antonello Crabas e Paolo Fadda e a s’ex segretàriu Matteo Renzi, in purs de chi si reconnoschet in sa motzione de s’ex ministru Andrea Orlando. S’idea est cussa de una cunvoca pro lunis 23 trìulas imbeniente, cun a s’òrdine de sa die sa votatzione pro s’eletzione de su nou segretàriu regionale in càmbiu de su dimissionàriu Giuseppe Luigi Cucca.
