In su fine chida, intre sàbadu 14 e domìniga 15 trìulas, sa tzirculatzione ferroviària at a èssere suspèndida in su Nord Sardigna intre sas istatziones de Terranoa e Otieri/Chilivani, pro cunsentire s’ativatzione de su Sistema de controllu ‘marcia treno’ (Scmt) e megiorare sa seguridade de sa lìnia.
Totus sos trenos ant a èssere sostituidos dae postales, chi ant a partire dae is pratzas dae in antis sas istatziones.
Sas partèntzias de is corrieras de Terranoa ant a èssere antitzipadas, pro mantènnere sos normales oràrios de arribu in sas diversas destinatziones, cun s’etzetzione de s’ùrtimu collegamentu in partèntzia de sa tzitade gadduresa, chi no at a subire variatziones a su programma de biàgiu finas Tàtari, ma at a èssere istentadu de 10 minutos pro Casteddu, cun cointzidèntzia a Otieri-Chilivani.
Sos oràrios ant a pòdere variare a segunda de sas cunditziones de su tràficu.
