Pro fàghere su rosu cun sartitzu ant a bastare pagu cosas: est una retzeta fàtzile e si podet fàghere in deretura.
Su chi serbit:
350g de rosu
40g de butiru
250g de sartitzu
1/2 tassa de binu nieddu
brodu de petza
una chibudda
casu trisinadu
sale, pìbiri, sàlvia
Aprontu:
In una pingiada callentare unu pagheddu de butiru in pares a sa chibudda segada a piticu. A pustis una pariga de minutos si podet agiunghere su sartitzu friscu chene istentina. Cando at cambiadu colore aunire su rosu, murighende semper. Immoe tocat a su binu nieddu.
Sighire a coghinare su rosu agiunghende unu pagheddu de brodu cando serbit. Cando est acanta de èssere prontu, bogare sa pingiada dae su fogu e pònnere bator turras de casu trisinadu, calicuna fògias de sàlvia e agiunghere su butiru chi est abarradu, sighende a murigare finas a sa cotura de su rosu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
