Sa chistione de s’Aias paret no acabbare mai. Est galu chene una solutzione, e biet semper s’assessoradu de sa Sanidade in pares a su sindacadu in unu trèulu polìticu chi si trìsinat dae una pariga de annos.
Is novas ùrtimas arribant de su coordinamentu Usb. “Depimus regordare a su dotore Arru ca su tempus pro fàghere is fainas est de rispetare: su 24 de Onniasantu semus andados, in pares a Cgil, Cisl e Uil, a s’assessoradu e issu nos at pregontadu duas chidas de tempus pro acabbare su traballu, ma finas a immoe nemos a retzidu nudda”.
Sa chistione est andende de male in peus, segundu su sindacadu. “Bitu ca nudda se movet nos si tocat – est sa minetza de su Usb – a torrare a fàghere calicuna atzione e gherrare pro is diritos nostros”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
