Gianfrancu Zola, calciadore famosu in Itàlia ma mescamente in su Regnu Unidu, est acabadu in unu cd de unu musitzista chi sonat rock de sa generatzione noa, lamadu King Krule. Sa cantzone s’intzerriat “Biscuit town”.
Sa cantzone però non chistionat de calciu, ma s’intendet in deretura su nòmine e su sambenadu de Magic box, e narat “still had dreams of being Gianfranco Zola”, “galu fatzo bisos creende de èssere Gianfrancu Zola”.
Ma custu cantadore est de sa noa generatzione, pro ite ddi benit in conca Zola? Archy Ivan Marshall, aici su nùmene beru de King Krule, est nàschidu dae su 1994 in Londra, sa tzitade in nue Magic box at giogadu cun su Chelsea. Est fàtzile a cumprendere ca cando fiat unu pipiu fiat tifu pro su calciadore sardu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
