S’est tenta eris merie in s’Assessoradu de s’Agricultura in Casteddu una longa riunione cunvocada dae s’assessore, Pier Luigi Caria, cun sos portadores majores de riellu de sa filiera de su late ovinu de sa Sardigna. Obietivu de sa mesa: chircare una solutzione cumpartzida chi permitat de guvernare su prètziu de su late de pagare a sos produtores primàrios in bista de s’istajone oramai a sos cumintzos. A sa mesa sos diretores generales de s’Assessoradu, de s’Agèntzia Laore e sos tècnicos de s’Agèntzia Agris, sos rapresentantes de s’Organismu interprofessionale late ovinu sardu (Oilos) e de sas organizatziones de sos produtores (sos pastores), sos assòtzios de categoria agrìcula, su Cunsòrtziu de su Pecorinu romanu e sos vertices de su Bancu de Sardigna.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
