Sanidade: dae vatzinos a screening, a su Sud no andat semper peus. Ddu narat unu raportu de s’assotziu Cittadinanzattiva, Nord fadigat subra listas de isetu.
Su Raportu de s’Osservatòriu de Cittadinanzattiva resumit a manera orgànica sos numeros publicados dae fontes istitutzionales e oferit unu cuadru de s’istadu de s’arte de Sanidade in Italia. Tra sos temas delicados, cuddu de su consumu de sas meighinas ecuivalentes, meda majore a su Nord respeto a su Sud, e cuddu de su gastu pro sos innovativos, chi at bidu fàghere mannos passos in antis a Campània e Lazio in sos primos 4 meses de su 2018. Manna est sa diversidade in sa cura de su diabete: si in Lombardia si connoschent in manera cabale cantos malàidos diabèticos sunt presentes e de cale cumplessidade, in unas àteras regiones comente a s’Abrutzu non s’at cognizione de cantu gastant. A duos annos a s’aprovatzione de su Pranu Natzionale Cronicità, sunt isceti 6 sas regiones chi l’ant acollidu: Umbria, Pùglia, Lazio, Emilia Romagna Marche e Vènetu.
Ampras sas diferèntzias pro s’ispesa sanitària pùblica pro capite: de unu mìnimu de 1.770 èuru de sa Campània a 2.430 a Bolzano. Sa cuota de ticket pro cumprèndidas sustentada dae sos tzitadinos in su 2017 imbetzes andat de sos 95 èuros in Valle d’Aosta a sos 32,8 de sa Sardigna.
