S’iscuadra de su Casteddu donat 200 banderas a su mercadu de San Beneitu. Eris sa tzerimònia cun Dessena, Barella, Pavoletti, Ceppitelli, Sau, Cerri e cun su mister Rolando Maran. S’assessora Cilloccu: “Bene meda, est s’atacamentu de s’iscuadra a sos casteddajos”.
Unu grupu de giogadores, in paris cun su mister, at rapresentadu a totu s’iscuadra durante una tzerimonia pitica eris a su mercadu in sa cuali ant fatu donu a sos casteddajos chi bi fiant, de ultres 200 banderas de s’iscuadra. Noas e originales, ant a sostituire cussas posadas intres sos box subra muros e bòvedas, fintzas in sos mercados tzìvicos de Quirra, Santa Elia, Santa Chiara e Is Bingias.
Pro s’assessora a sas Fainas Produtivas e Turismu Marzia Cilloccu “Unu gestu piticu ma a su matessi tempus mannu chi bene rapresentat s’atacamentu de s’iscuadra a sa tzitade e de sa tzitade a s’iscuadra sua”.
E est istada una festa tra selfie, istrintas de manu e carchi assagiu tra sos bancos prenos de cosa bona de papare.
