Belle bìndighi milliones de èuros dae sa Tzitade metropolitana de Casteddu a sa Provìntzia de su sud Sardigna. Su sìndigu metropolitanu Massimo Zedda, in nd’unu atobiu cun is giornalistas in a Carbònia, in paris cun s’amministradore istraordinàriu de sa Provìntzia Mario Mòida, at ispiegadu chi custu est dinari chi tocaiat a sa Provìntzia de su Sud Sardigna finas dae su momentu de s’istitutzione sua.
Su dinare, però – est istadu pretzisadu – fiat blocadu pro mori de sa dificultosa interpretatzione de sa normativa de bilantzu de sos entes locales. “Est dae tempus chi s’Anci pedit sa possibilidade de impreare custu dinari chi serbit pro faghere investimentos – at ispiegadu Zedda – e in fines una tzirculare de sa Ragioneria de s’ Istadu andat pròpiu in custa diretzione. Su fatu chi sa Tzitade Metropolitana tèngiat unu bilantzu sanu, in ativu cun risursas in càscia, nch’at cunsentidu de providire deretu a trasferire custas risursas”.
