“Aici aìamus naradu e aici est istadu fatu. Oe s’istrada torrat a abèrrere in sos tempos istabilidos e sas pessones chi biagiant intre Casteddu e totu sa zona de Pula, Cabuderra, Sarrocu, ddu podent fàghere torrende a sa normalidade”.
Dd’at decraradu su presidente de sa Regione Francesco Pigliaru pro canto pertocat s’abertura de s’istrada istatale 195, in ue bi sunt istados sos traballos de s’Anas pro ponnere a postu sa viabilidade a pustis de sos disacatos causados dae sa temporada de sas dies coladas.
Paris cun s’assessore de sos Traballos Pùblicos Edoardo Balzarini, su presidente Pigliaru est istadu su primu andare a bidere su tratu de caminu chi immoe est transitabile. “Semus meda cuntentos de su fatu chi siant bastadas chimbe dies pro sanare una ferta a beru grave a sa viabilidade – at sighidu su presidente – Tzertamente cun custu non isolvemos sas àteras fertas, fintzas bene prus importantes, chi nch’at lassadu cantu capitadu. Però custa l’apamus risòlvida”.
