Protesta oe in s’istatzione ferruviària de Abbasanta e in belle binti uffitzios comunales de sas biddas de Aristanis chi sunt istados occupados. Su Comitadu de tzitadinos pro sa defensa de s’ospidale Delogu de Ilartzi e de sos servìtzios sanitarios de su territoriu
Sa cuntestatzione, faghet una pariga de dies chi est giai incumentzada, oe a mangianu at interessadu diversos sìndigos o delegados issoro, istudiantes e tzitadinos. In su merie, a sas 17, una delegatzione at a atobiare su prefetu de Aristanis, pro sa presentada e sa cunsigna de sas 7 mila firmas collidas. A sas 18 at a sighire s’ocupatzione simbòlica de s’ospidale San Martino de Aristanis. Una delegatzione de manifestantes at a partire a sas 17.15 de pratza de sa Comuna de Bilartzi in pullman e màchinas privadas.
Su Comitadu denùntziat torra sos trincos a sos servìtzios sanitàrios in s’Artu Aristanesu e in piessignu a s’ispidale Delogu in ue resurtat reduida s’operatividade de diversas fainas mèdicas.
