Regione e Comunu de Sa Madalena ant firmadu su cuntratu de tzèdida a s’Amministratzione comunale de 155 ex allògios Marina Militare, a su prètziu simbòlicu de un’èuru. In sa sede de rapresentàntzia de sa Regione, a sa presèntzia de unu notàriu, sos rapresentantes de sos duos entes ant istipuladu s’atu finale de su percursu incumentzadu in su 2004.
In sos meses colados s’Assessoradu de sos Entes locales aiat provididu a su reconnoschimentu de totus sos benes de tzèdere. “Chistionaus – sutalìniat s’assessore Cristiano Erriu – de domos abitadas dae deghènnios. Sos atuales residentes las ant a pòdere acuistare, gràtzias a una norma aprovada cun sa Finantziària 2018 in cursu de publicatzione in su Buras, in sa base de sa normativa prevìdida pro s’edilìtzia residentziale pùblica. Fintzas in custu casu, sa Regione s’est mòida in su riellu de sos entes locales e de sa colletividade, ponende a frutu sas dismissioni istatales reghentes e coladas.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
