Intro un’annu at a èssere prontu unu pranu de valorizatzione de su Trenino Verde, sa lìnia ferruviària turìstica de sa Sardigna, in s’àmbitu de unu progetu pluriennale de rilanciu. Lu previdet unu protocollu de intesa firmadu oe a Villa Devotu intre sa Regione e su Comitadu pro su Trenino Verde. S’acòrdiu est sigladu dae su presidente de sa Regione Francesco Pigliaru e dae su moderadore de su Comitadu Paolo Pisu, dae su presidente de s’Arst Chicco Porcu, dae sos sìndigos de sos Comunos interessados, dae su rapresentante de Legambiente Vincenzo Tiana, dae sos sindacados e de sos operadores econòmicos.
Pro su 2019, primu annu de su Protocollu, sa Regione cunfirmat sos 5,3 milliones giai prevìdidos a fine 2017 e agiunghet ulteriores 5 milliones, a bàlere fintzas custos in su Fundu de Isvilupu e Coesione 2014-2020. Sas risursas ant a èssere assignadas a Arst, sugetu attuatore de sos interventos. “Su turismu esperienziale est cuddu prus in crèschida e chi balet deprus”, at evidentziadu Pigliaru. “E nois tenimus bene presente sa netzessidade de avalorare sas zonas internas. Su treninu de Lawrence est giai un’attrattore in manera istòrica definidu, cun una visibilidade a beru arta”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
