No a sa partida de Supercopa tra Juventus e Milan de s’imbeniente 16 de ghennàrgiu. Nudda contra su fùbbalu, ma est s’ennèsima puntada de sa batalla a sas bombas prodùidas in Sardigna. E ite nch’intrat su disafiu tra sas iscuadras de Allegri e Gattuso? Nch’intrat, segundu sos antimilitaristas chi oe ant manifestadu dae in antis sa sede de sa Rai de Casteddu: sa gara s’at a giogare in Aràbia Saudita, in Gedda. E sas bombas produtas dae sa Rwm in Domunoas, serente de Casteddu – ammentant sos militantes – sunt destinadas pròpiu cue. Paisu, denùntziant Sardigna Pulita e unos àteros assòtzios patzifistas, in gherra cun su Jemen. Pro custu sos anti-bombas ant fatu un’apellu a sos giornalistas de sa Rai, titulare de sos deretos in sa Supercopa.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
