Prus de 200 istudiantes sunt arribbados dae totu sa Sardigna in Mamujada in ocasione de sa tzerimònia de premiatzione de su cuncursu dedicadu a sa memòria de Graziano Deiana, chi pro 15 annos, finas a su 2015, at ghiadu sa bidda barbaritzina. A s’initziativa, promòvida dae sa Regione, sunt intervènnidos, tra sos àteros, sos assessores Filippo Spanu e Giuseppe Dessena, e carchi giòvanos richiedentes asilu de su Sprar de Nùgoro e de sos tzentros de acasàgiu de Jelisuli e Tàtari.
Ognuna de sas 9 iscolas premiadas at retzidu unu prèmiu de 3 mila èuros destinados a sa realizatzione de sos 11 progetos presentados in su tema de sos migrantes, de cumpletare intro s’imbeniente 30 de su mese de abrile. “Deiana at delineadu unu percursu virtuosu fatu de diàlogu, cunfrontu e abertura cun su mundu esternu”, l’at ammentadu s’assessore Spanu. “E s’abertura est s’aspetu chi prus contraddistinguet oe sa bidda de sos Mamuthones chi cada annu atobiat meda turistas in sa base de una sòlida cultura de s’acasàgiu”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
