Su capolinea de sa metropolitana Arst de Casteddu chi at a collegare pratza Repùbblica cun s’istatzione de pratza Matteotti at a èssere costruidu a s’internu de s’istatzione ferruviària Rfi. Est cantu previdet sa delìbera aprovada oe dae sa Giunta Pigliaru, subra proposta de sos assessores de sos Trasportos e de sos Entes Locales, Carlo Careddu e Cristiano Erriu, cun sa cale s’autorizat s’achisitzione de su deretu de usu de s’àrea a s’internu de s’istrutura de sas ferrovias tra s’edifìtziu de s’istatzione e sos parchègios pro sas màchinas, pro unu perìodu de 30 annos.
“Su capolinea nou at a cunsentire un’interscambiu immediatu tra sos servìtzios de Trenitalia e sa metrotranvia sena dèpere abbandonare su perìmetru de s’istatzione ferruviària – ispiegat Careddu – un’avantàgiu pro totus sos biagiadores chi gai ant a pòdere isfrutare una connessione tra diversos sistemas de mobilidade in prena seguridade e risparmiende tempus”.
