Lucio Rispo, responsàbile pro sos investimentos de Qatàr Foundation Endowment in Itàlia, est istadu nominadu amministradore delegadu de Sardinia Healthcare and Research Properties, sotziedade operativa de sa QFE in Itàlia e propietària de sas istruturas de su Mater Olbia.
Sardinia Healthcare and Reserach Properties, est sa sotziedade de riferimentu pro sos investimentos in Itàlia de sa Qatàr Foundation Endowment (QFE), investidore globale a longu tèrmine cun su mandadu de fàghere investimentos. “A pustis de s’inghitzu de s’ispidale de Terranoa – afirmat Rispo – est su momentu de cumentzare cun sa Fase 2, chi previdet investimentos pro s’isvilupu territoriale.
Sos primos progetos pertocant su completamento de s’istrutura relativa a sa chirca e a sa meighina isportiva. In manera contemporànea amus a protzedire in s’isvilupu de investimentos ligados a s’isvilupu de su territòriu e a s’innovatzione sua cun suportu tecnològicu e a sa definitzione de unu sistema a retze”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
