12Su San Giovanni di Dio, istòricu spidale casteddaju de Stampace artu, at a divenire unu presidiu sanitàriu e sotziu assistenziale, acollinde sa guàrdia mèdica de arburada Trieste, su consultòriu immoe acasagiadu in s’iscola elementare Satta, e diversos ambulatorios, chi ant a rispòndere in piessignu modu a sa rechesta de assistu de sos malàidos crònicos e betzos.
Custu su sensu de s’acòrdiu, presentadu custu eris a merie, tra s’amministratzione comunale, s’Azienda Universitària Ospedaliera, s’Universidade de Casteddu e s’ATS Azienda Tutelat Salude. “Tocat a mudare sa destinatzione de sa betza istrutura ospedaliera – at sutaliniadu su sìndigu Massimo Zedda – pro afruntare sos bisòngios de assistu territoriale e pro dare respòstas a sas rechestas de medas residentes chi pedint de mantènnere unu presidiu sanitàriu in su bighinadu. Dae inoghe sa netzessidade de trasformare s’istrutura in un’ispidale diurnu, cun servìtzios de assistu, prestatziones poliambulatoriale e un’faina de formatzione de importu mannu, su totu intro su primu semestre de su 2019. Una presèntzia istratègica in un’ àrea chi est devènnida meta fintzas de mannos flussos turìsticos.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
