S’allargat sa coalitzione de tzentrumanca pro sas eletziones suppletivas in su collègiu de Casteddu ue s’at a botare su 20 de su mese de ghennàrgiu imbeniente pro s’eletzione de su deputadu chi at a sostituire Andrea Mura, su nòdidu velista elègidu in sas listas de su Movimentu 5 Isteddos e chi si nde’est andau a pustis de una polèmica cunsighente a s’acusa de assenteismu.
L’at annuntziadu su segretàriu regionale de su Pd Emanuele Cani chi custu merie, in su cursu de sa diretzione regionale de su partidu riunida in Aristanis, at antitzipadu sa voluntade de cunvocare subidu un’incontru tra sas delegatziones de sas diversas fortzas polìticas de sa coalitzione. “Ant manifestadu sa disponibilidade issoro fintzas diversas siglas chi su 4 de su mese de martzu a sas eletziones non faghiant parte de sa coalitzione”, at decraradu Cani, torrende a nàrrere sa voluntade de su Pd a traballare pro su sèberu de unu candidadu de artu profilu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
