“Depo replicare pro canto pertocat sa situatzione de sos interventos in Sa Madalena a cantu decraradu dae sa Ministra Lezzi, cun sa cale apo fintzas a como tentu raportos curretos e positivos”. Gai su Presidente de sa Regione Francesco Pigliaru, chi agiunghet: “A dolu mannu, nointames sa bona voluntade de sa Ministra, cun sa cale apo faeddadu de su fatu de Sa Madalena giai in su mese de trìulas, una telefonada girada a issa non diat risòlvere su problema chi est rinviende sa ripresa de sos traballos in Sa Madalena. Difatis su sebestu de su ‘sugetu attuatore’, in fortza de sa Lege Bagnoli chi s’àplicat fintzas a su casu de Sa Madalena, tocat in manera ùnica a su Presidente de su Cussìgiu de sos Ministros Giuseppe Conte, e no a su Ministru pro su Sud. Est netzessàriu imbetzes unu simple autu, unu Decretu chi podet èssere iscritu in tempus a beru pagu” sìghit Francesco Pigliaru.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
