Arriscant santzionas pro ultres 8mila èuros sos duos piscadores abusivos chi, agatados dae su Corpu forestale a s’internu de su parcu natzionale de s’Asinara, ant in manera violenta minetzadu sos agentes de politzia giuditziària.
Sos duos òmines, babbu e fìgiu de 62 e 39 annos cun residèntzia, de pare a pare, a Portu Turre e a Sòssu, sunt istados ispantados dae sa forestale in prena faina de pisca cun un’ imbarcatzione a motore in s’Àrea marina proteta. Su personale de s’Istatzione Forestale de s’Asinara at identificadu e denuntziadu sos piscadores abusivos pro pisca subàcuea.
Sos òmines giai notos pro anàlogos illètzitos, si sunt però in manera repìtida refudados de frunire sos documentos personales e de su natante, minetzende in manera violenta sa pattuglia forestale. Sas santziones prevìdidas pro sas violatziones cuntestadas sunt de 8mila èuru.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
