Dae s’inghitzu de s’annu in su Nugoresu e Ogliastra sos vìgiles de su fogu, chi cras tzèlebrant sa patrona Santa Barbara, sunt istados impinnados in belle 5.000 interventos de sucurru.
Sos interventos pro dissestos istàticos sunt istados 600, su dòpiu de s’annu coladu, fintzas a càusa de cunditziones meteo lègias. Ultres una chentina sunt istados sos sucurros de persones, unu nùmeru anàlogu a cuddu de su 2017. Istàbile fintzas cuddu de sos interventos pro intzidentes istradales: si nde contant 500. Ateretantas sunt istadas sas fainas sugetas a sos controllos de preventzione fogos. Annotamala, sunt istados acumpridos 40 servìtzios de vigilàntzia in locales de pùblicu ispetàculu, espositziones e impiantos isportivos.
Sa tzerimònia in onore de Santa Bàrbara, chi s’at a tènnere cras a su cumandu provintziale de sos vìgiles de su fogu de Nùgoro at a èssere fintzas s’ocasione pro sa cunsigna de atestados e benemerenze a sos operadores chi si sunt distintos in su traballu.
