“Chi Massimo Zedda s’at a candidare a sa càrriga de guvernadore de sa Sardigna at a tènnere meda coràgiu e meda lungimiranza. Custu at a costruire unu disafiu nou e so seguru chi cun Zedda s’at a abèrrere un’istajone foriera de novidades a beru mannas e isperu pro medas chi a sas ùrtimas eletziones si sunt istesiados o ant botadu unos àteros partidos”.
Gai Nicola Zingaretti in Nùgoro faeddende de sas eletziones de freàrgiu in Sardigna. “Sas persones – at ispiegadu su candidadu a sa segreteria natzionale de su Pd – bolent cumprèndere si podent bìvere mègius. E custu guvernu at giai dimustradu chi non nche dda faghet a garantire custa prospetiva a sos italianos”.
