S’erogatzione de s’abba at a èssere interrùmpida cras a de note in carchi bighinadu de Tàtari e a S’Alighera pro cunsentire traballos apretosos de s’Enas, s’Ente abbas de sa Sardigna. De custos impiantos, tràmite sos acuedutos de abba grezza ‘Coghinas I’ e ‘Coghinas II’, sunt rifornidos sos potabilitzatores de Abbanoa.
Dae sas 22 de cras sero a sas 5 de mèrcuris manzanu su gestore ìdricu at a suspèndere s’erogatzione in Tàtari in sos bighinados Lu Fangazzu, San Paolo, San Giuseppe, Pauli, Monte Rosello, Tàtari 2 e Badde Pedrosa. In totus sas àteras zonas de sa tzitade est istada ripristinada s’erogatzione 24 oras subra 24. In sa tzitade de S’Alighera sa serrada noturna at a èssere esecutada dae sas 23 de cras sero a sas 5 de mèrcuris manzanu.
Sa durada prevìdida de sos traballos est de 4 oras dae sas 9 a sas 13, arcu de tempus durante su cale s’Enas at a suspèndere sa frunidura a sos impiantos de potabilitzazione de Truncu Beru (Tàtari) e Monte Agnese (S’Alighera).
