“Christian Solinas est istadu indicadu candidadu guvernadore inoghe in Sardigna, in Barùmini, dae totu sas fortzas polìticas chi costituint sa coalitzione de tzentrudestra, tzìvica e sardista. Su segretàriu de su Pd faghet finta de no l’ischire”. Su presidente de su Psd’Az, Antonio Moro, replicat a sos atacos de Emanuele Cani aberende sa cunferèntzia programmàtica de su partidu in Tramatza.
“In su cursu de sa reghente bìsita sua in Casteddu – torrat a nàrrere Moro – su leader de sa Lega at partetzipadu a sa riunione de sa coalitzione (unu fatu pro nudda usuale pro sos dirigentes romanos a sos cales cumandos rispondet Cani) pròpiu pro comunicare sa detzisu suo de non propònnere carchi nùmene, e de sustentare e indicare su candidadu individuadu dae sas fortzas polìticas sardas”. A su lìmite, rilantzat su presidente sardista, “de bìrgongiosu, in Sardigna, ultres a sos resurtados de su guvernu regionale chi su Pd àncorat sustentat, b’at isceti su modu in cale su Pd seberat su candidadu a sa presidèntzia de sa Regione”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
