Est de unu mortu e unu feridu su bilantzu de unu fogu tzocadu, a inghìriu a sas 4 de custu mangianu, in unu palatzu de tres pranos in Portu Turre (Tàtari). Sos vìgiles de su fogu, sunt arribados in su locu a pustis de sa recherta de agiudu, sunt arrenneschidos a batire foras dae s’apartamentu duas persones, mama e fìgiu chi sunt istados afidados a sos dutores de su 118, sos cales no ant pòdidu fàghere àteru chi decrarare sa morte de su giòvanu. In su locu fintzas una pattuglia de sos Carabineris.
Àncorat disconnotas sas càusas de su rogo ma segundu su chi narant sos carabineris su giovanu at tentadu de sarbare a sa mama sua ma non diat aere podidu faghere nudda pro mori de sa ghenna serrada cun sa crae chi non s’agataiat.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
