Duos mortos in un’intzidente istradale acontèssidu a s’arbèschida de domìniga in s’istatale 130 a s’artària de Uta, a pagos chilòmetros de Casteddu. Una vetùra s’est ribaltada a pustis de àere corpadu su guard rail e sos ocupantes sunt sunt abarrados ochìdos in su corfu. Sas vìtimas sunt de Igrèsias: Cristian Zucca, 31 annos e Pierpaolo Vedda, 29 annos.
Sa dinàmica de sa tragèdia no est àncorat istada de su totu crarida e in su locu sos carabineris si sunt ocupende de sos annotos. S’intzidente est acontèssidu a inghìriu de sas 6: sos duos s’agataiant in sa Renault Clio de Zucca e su 31enne fiat a sa ghia. De cantu s’imparat fiant torrende in domo a pustis de àere coladu sa serada in unu locale a Casteddu. Arribbadu a s’artària de su chilòmetru 23, Zucca at pèrdidu su controllu de sa vetura.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
