Istajone turìstica positiva, ma sena fàghere mannos brincos. Pro ite su perìodu pre-istade est andadu bene e austu si paret ca est in sa lìnia de su 2017. Ma in su mese de trìulas sa cuncurrèntzia, prus che àteru cussa de su Nord Àfrica, s’est torrende a organizare: est in crèschida e sos turistas ant a crèschere àncoras deprus cun su colare de sos meses. Est s’anàlisi de Federalberghi e Confcommercio in s’istajone turìstica 2018 pro sa Sardigna. S’iscumbata est istada realizada in unu campione de operadores: su 53,6% rispondet chi s’est registrende una crèschida mescamente tra su 5 e su 10%. Su 35% narat, imbetzes, chi sas presèntzias ant a èssere, a sa fine de sos contos, istàbiles. Faeddat de mèngua, a su màssimu finas a su 10%, solu su 10,6% de sos operadores.

ARTICOLI CORRELATIALTRI ARTICOLI DA QUESTO AUTORE