Sos omosessuales chi de repente iscumparent: mentras faghent ginnàstica in domo, durante unu matrimòniu.
Cantzelladas fintzas sas datas de sos artistas gay, finas sas fàbricas de banderas tzircufolla sunt costrintas a serrare pro farta de clientes. Est una provocatzione su video ufitziale pro su Sardigna Pride 2018. Est in carchi modu una risposta a sos decraros de su ministru de sa Famìlia Lorenzo Fontana in s’esistèntzia de sos gay cun sas famìlias. Ma tando ue sunt? Si lu pedit su spot promotzionale de s’eventu in programma a Casteddu sàbadu, organizadu dae su Coordinamentu Sardigna Pride chi collit totus sos assòtzios sardos pro sos deretos de sas persones lgbt. Un’istòria cun s’allegru fine: in realidade sos omosessuales, si benit a iscobèrrere in un’intervista a s’ùrtimu de sos “crètidos gay”, sunt andados totus a Casteddu pro su Sardigna Pride.
