“Semus sighende a lamare sos vertices de sa Cumpangia Air Italy, ma pro como sa Regione no at àncora retzidu s’indicu de una data ùtile pro s’adòbiu apretosu chi amus rechertu”.
Lu faghet ischire s’assessore de sos Trasportos, Carlo Careddu, chi agiunghet: “Retengiamus unu dovere a banda de sa sotziedade frunire un’acrarimentu in s’ipòtesi de trasferimentu de su personale dae Terranoa a Malpensa, pro como imparada feti cun sos canales indiretos de s’imprenta e de su sindacadu. E creamus diat èssere unu signale de respetu in antis de totu in sos cunfrontos de sos sardos rispòndere deretu a sa rechesta imbiada dae s’in antis autoridade de guvernu de s’ìsula in una chistione tzentrale pro s’isvilupu econòmicu e sotziale de sa Sardigna”.
