“Su Pd proponet su tzentrumanca comente a orizonte polìticu e culturale, est un’orizonte prus minore e diferente de su nostru, e chi non nch’interessat”.
Aici in su blog suo, “Sardigna e Libertade”, su segretàriu de su Partidu de sos Sardos Paolo Maninchedda. Mentras sighint sas manovras de sos democràticos in bista de sas Regionales de freàrgiu cun s’obietivu de costrùere una coalitzione chi siat sa prus manna possìbile, cussa de Maninchedda tenet s’àera de una serrada.
“Tengiamus cuntatos fitianos cun sos Riformadores sardos, sa cale prataforma in s’insularità est cumpatìbile cun s’idea nostra de un’ampra alleàntzia a inghìriu a sos temas istratègicos de sa Sardigna”, at ispiegadu Maninchedda.
