Una festa pro sos pipios, chi tenet tantu de insegnare fintzas a sos prus mannos.
Cumintzat chenàbura in Gùspini sa de ses editziones de su fèstival “Bimbi a bordo”. Setantunu sos apuntamentos in programma finas su 2 de su mese de cabudanni tra teatru, atòbios, laboratòrios e projetziones.
Sa literadura at a èssere sa bera istedda de sa manifestatzione organizada dae s’assòtziu culturale Incoro cun su contributu, fintzas de sa Regione: Istòrias e mitos ant a èssere sos protagonistas de sa rassegna intitulada “attraversare il mondo, sentieri e labirinti dell’immaginario”.
Su quartier generale at a èssere su tzentru de Gùspini: su coro de sa rassegna est in sas domos a corte.
