Unu millione e mesu de èuru pro torrare a fàghere sas retzes ìdricas a Àldara, Bultzi, Itireddu, Séddini e Belchidda.
Abbanoa at aviadu sos cantieris in sas chimbe comunas de sa Provìntzia de Tàtari. Sos traballos in cursu prevident su càmbiu de sos tratos de betzos tubos chi sighint a si segare, tantu de rechèrrere meda interventos de assètiu.
Sunt sas retzes chi tenent in diversos casos ultres 50 annos de traballu a palas realizadas cun materiales non prus impreadu: tubos in metallu papados e tupados, finas a assètios esecutados cun materiales de plàstica. A s’issoro postu ant a èssere installados àteros tubos in ghisa sferoidali, materiale chi garantit sa mègius tenta, cun rivestimentu in zinco metàllicu.
