A s’incras de sa tragèdia capitada a Gènova, su Codacons cuntzentrat s’atentu suo in su statu de sas infrastruturas in su territòriu e pro sa Sardigna indicat unu manufatu chi diat netzessitare de verìficas e iscumbata pro nd’atzertare su livellu de seguridade.
Semus faeddende de su cavalcàvia de s’istatale 131, “Mesu Mundu”, giai ogetu de una protesta de sos sìndigos. S’assòtziu de sos Consumadores at detzìdidu de inoltrare una difida a su prefetu de Tàtari pro ite dispòngiat “unu blocu “temporale pro allebiare su tràficu in su viadotu chi est arriscu”.
Su Codacons pedit su blocu de sos mèdios graes in custu viadotu pro 30 dies, pro dare manera a sos tècnicos de providire a sas netzessàrias verìficas sa seguridade de s’istrutura.
