Su mare asulu-birde de Cala Coticcio, sa minore ‘Tahiti sarda’, sa marina rosa de Budelli o su pasu de Caprera: sunt custas unas de sas “bellesas de sa natura” chi inghìriant su ‘buen retiro’ de su presidente de sa Repùbblica Sergio Mattarella, chi at seberadu s’ìsula de Sa Madalena pro 10 dies de relax, a largu de sos problemas de sa Capitale.
S’artzipèlagu a nord est de sa Sardigna, divenit aici s’abitòriu de su Capu de s’Istadu comente a pro sos predetzessores suos Frantziscu Cossiga, Carlo Azeglio Ciampi e Giorgio Napolitano. Deghe dies incumentzados oe, cun s’arribu a Terranoa e su trasferimentu cun su elicòteru a sa Maddalena, e cun sos giornalistas tenidos a distàntzia pro garantire sa privatesa de Mattarella chi at a allogiare a s’ammiragliadu, ue dae custu mangianu ddu est su vessillu presidentziale.
