In su giru de una chida sunt giai pigadas a duas in Sardigna sas marinas a manera ufitziale dedicadas a sos naturistas.
A pustis de s’inauguratzione de cussa de Portu Ferro, su 1 de austu a Tàtari, est su turnu de unu tratu de su litorale de Piscinas, nòdidu pro sas magnìficas dunas, in su territòriu de sa comuna de Àrbus (Sud Sardigna).
Cun una delìbera aprovada su 2 austu de sa giunta de su sìndigu Antoni Ecca, est istada individuada in sa Costa Birde (Piscinas Sud), a manca de s’hotel ‘Sas Dunas’, arribbende de terra, s’ala de litorale destinada a sos nudistas, chi immoe si candidat a divenire sa marina pro naturistas prus bella de Europa.
